Didik Anok

Didik anok laa satu bendo hok susoh sekali. Walaupon ambo sediri pong takdok anok, tapi sejak dok jado budok2 kecik loni, ambo stat kenal doh pe'el peranga Mok Pok dan anok2 ni. Ambo teringat lagi bilo Ma ambo maroh sangat kalu kito sebagai Mok dok dukung jah baby ke hulu hilir. BUkan tok buleh nok sayang baby kito tuh. tapi keno ajar baby kito tido atas lembek. Bilo kito dok sibuk caro ko anok kito tu, abis bendo lain tok jadi gapo sekaro. Baby tu, pantang letok. Letok jah, jerit mace keno rasuk.

Kito keno didik anok dari kecik lagi. Jange ikut 'ere' (kehendok) anok sangat. anok nok dukung, kito dok dukung jah. sapa tok larak. bahayo tu, nati tok masok nasik ko tok laki, SEHARI TAKPO, tapi kalu hari-hari, buleh perang besar.

Gitu jugok kalu bowok anok gi supermarket ko apo. jange ikut ere dio sangat nok beli mainan, nati budok tu manjo kededek. kalu doh terbiaso gi kedai buleh beli mainan, bilo tibo satu hari kalu kito takdok duit, teruk kito. anok akan buat perangai jerit, malu kito sebagai mok pok. sebab tu keno ajar anok bahawo kito buke sokmo sokmo sene.....

kalu anok anok buat saloh, kito bagi amaran. kalu dio langgar jugok, kito keno hukum dio. jange pulok meletakkan tanggungjwab nok hukum tu pado oghe lain. kito sendiri hukum kalu kesalahan tu terjadi depan kito. jangan ado perkaro ni "Jange jerit, kang Mok Cik tu telipong polis key!" Buke tok buleh buat ayat tu, tapi jangan sokmo2. sebab kito seolah olah bergantung pado oghe lain untuk didik anok. Royat jah lagu ni "Jerit laaa lagi, balik rumoh, siap laaa!!!" Bui amaran tu. kalu dio xberenti jerit, balik dumoh, keno hukum. panggil dio, tanyo balik apo hok dio buat, hukum dio. hukum adalah didikan. keno ingat. ambo ingat lagi bilo Ma ambo acah acah nok bakar tangan ambo sebab tipu dan curi duit Mek ambo. huhuhuhuhuh. time budok2, ambo meme khenat nga nakal sunggoh!

apo2 pun, ambo harap, bilo tibo time ambo, ambo buleh jadi ayoh hok baik..... Amin!

OGHE KITO: BAHASO KLATE

Oghe lua kato, oghe kito ni kuat do'oh assobiah. Hok tu meme betul, tapi untuk kebaikan laa. Itu maknonyo oghe kito ni tidok individualisme. oghe klate, kalu doh jupo samo negeri di mano2 pon, tubek laaa loghat kito. pantang sekali kalu kecek luar samo2 klate. teringat ambo dulu2, maso participate dengan Kursus Tun Razak peringkat kebangsaan dulu. time tu baru abis spm, dok sajo dumoh. sapa2 di kem, raso kekkok semacam jah nok buleh kecek luar samo saing2. saing2 lua tu tok kesoh sangat pon kalu ambo tubek sebutir duo buoh klate ambo. tapi kito laaa pulok raso macam oghe lain tok pehe! heheheheh. macam2. amek maso sehari duo jugok la sebelum buleh tune lidoh ambo hok pekat ni.

kalu ado oghe klate hok "koya'', membesar di klate, sekolah dulu di klate, dan Mok Pok pon dok klate semuo, tapi tibo2 ngaku kato tok leh kecek klate. Mentang2 laa ngaji asrama penuh semeta di lua klate, balik2 doh tok leh kecek klate? kalu hok bahaso english ko, bahaso french ko, bahaso arab atau spanish ko hok kito baru jah belajar setahun duo pun, kito doh buleh kecek doh, ni kan pulok bahaso ibundo (mother tongue) kito.

ado saing2 ambo, hok jenis ni. bagi dio, kecek klate ni low class. ambo pun nok jah kato atah muko, pandai setaro mano gak demo sapa malu nok ngaku asal klate? hebat bena ko ya sapa malu denga asal usul sediri? rama jah oghe klate kito, kecek fluent english (siap accent Brit atau american lagih), kecek french (siap ado gayo ala president dio atau broken french), buleh kecek Arab (nahu dio siap tok arab pun tabik), buleh kecek Urdu (sebijik mcm Maulana2 di Lahore) dan seribu macam jenih lagi bahasa hok ado, hok bilo jupo samo2 klate, buleh jaaah nok tune balik loghat tu..

tu laah ragam oghe klate hok tok seda diri. kalu laaa dio ni celik akal dan ngaji sejaroh sikit, baru dio tahu betapo patut banggonyo kito jadi oghe klate. kesultanan kito dulu ni besar, dikenali juga sebagai Majapahit timur. gelaran serambi mekkah ko kelantan bukan sajo2, ado maknonyo. apo2 pun, pado hok oghe klate tu, ambo nasihak, kalu jupo samo sedighi, tegur2 laaah, jange buat sombong. kecek laaa denga bahaso klate kito. tu namonyo sopan santun dan budi bahaso oghe kito. kalu jupo oghe arab, kito kecek arab. kalu jupo oghe perancis, kito kecek perancis. kalu jupo oghe english, kito berenglish. kalu jupo samo2 malaysia, kito kecek luar. kalu samo2 klate, pakak2 ajok make nasik cicoh budu nuuu! heheheheheheh

Ambo Perkenal Diri

gambar time silat jah ado buat maso ni...

assalamualaikum semua adik kakok abe tue pue,

ambo asal dari pasir puteh, membesar di kampung gelam, belakang klinik lama. lahirnyo di hospital kota bharu pado 16 disember 1983, pukul 5 pagi. ma ambo dulu ngaja sekolah kamil, pastu ko cherang ruku dan pencen di dato'ismail. abah ambo ngaja di sungai petai, pencen di sekolah belukar. ado 6 adik beradik dari ma ambo, dan 4 adik beradik dari ma pertamo. ambo mulo ngaji di taski al rahmat, pastu sekolah rendah kamil 2 sapa darjah 6, dan ko sekolah menengah kamil sapa form 5. ngaji pula di INTEC shah alam seksyen 17 utk ko US. tapi rezeki takdok sebab masalah visa, maka ambo fly france pado januari 2003. duduk laa ambo di bumi ore ini ngaji bahaso perancis, ambik diploma energy and thermal engineering, lepas tuu bachelor maintenance (helicopter) engineering, dan master of Eng. dan master of Sc. dlm bidang Aerospace propulsion engineering and energy.

lo ni menetap di paris, area 10. suko jugok dok sini. masjid dekat, makanan halal sene. nok cari kakkah masok pon bereh sebab ambo duduk ni area china town, ado india, pakistan, afrika dan arab. beres jah. sesetengah orang takut nak mai area ni, sebab ramai foreigner. tapi alhamdulillah, ni tempat ambo. kenal pon rama doh.....



sedap2 dok sini pon, teringat semace dumoh ambo nuuuu. bak kato pepatah: hujan emas di negeri orang, hujan emas di negeri sendiri, lebih baik negeri sendiri. ibarat bangau terbang jauh, lama2 pulang atas belakang kerbau juga. ikan seluang mudik ke hilir, sampai maso pulang ke hulu juga...



gitulah ambo, kisah anok klate di bumi perancis....